2019 йилнинг ёзида "ПСЖ" жамоасини тарк этиб, "Лейпциг" сафига бориб қўшилган ярим ҳимоячиси Кристофер Нкунку яна собиқ жамоасига қайтиши мумкин.
Франциялик журналист Адриена Греньенинг тарқатган маълумотига қараганда, "Лейпциг" ўз футболчисини 70 миллион еврога баҳолаган.
Шунингдек, Нкунку трансфери "ПСЖ"га жорий мавсум охирида клуб билан шартномаси тугайдиган ҳужумчи Киллиан Мбаппени сақлаб қолишга ёрдам бериши такидланган. Агар раҳбарият Килианни жамоанинг лойиҳасига ишонтира олса, у ҳолда Мбаппе Парижда қолиши мумкин.
Аввалроқ, Нкунку "Манчестер Сити» жамоасига ўтиши мумкинлиги ҳақида хабарлар тарқалганди. Ушбу мавсумда ярим ҳимоячи Бундеслигада 16 та гол киритди ва 11 та голли узатмани амалга оширди.
