«Майнц»нинг марказий ҳимоячиси ва сардори Мусса Ниакате «Ньюкасл»га ўтиши мумкин. Бу ҳақда The Telegraph нашри хабар бермоқда.
Манба берган хабарга кўра, «қарғалар» футболчи учун «Премьер-лигадаги ҳамкасблари» - «Вест Хэм Юнайтед» ва «Эвертон» билан ҳам рақобатлашади.
«Майнц» ўз сардорини 8 миллион фунтга баҳолайди. Унинг шартномаси кейинги мавсумда тугайди, шунинг учун агар футболчи кетишни истаса, клуб Муссани муддатидан олдин сотишга қарши эмас.
26 ёшли Ниакате 2018 йилнинг ёзида «Метц»дан 6 миллион евро эвазига «Майнц»га ўтган эди. Трансфермаркт ҳимоячини 18 миллион еврога баҳоламоқда ва унинг немис клуби билан амалдаги шартномаси 2023 йилнинг ёзида якунига етади.
