«Mayns»ning markaziy himoyachisi va sardori Mussa Niakate «Nyukasl»ga o‘tishi mumkin. Bu haqda The Telegraph nashri xabar bermoqda.
Manba bergan xabarga ko‘ra, «qarg‘alar» futbolchi uchun «Premyer-ligadagi hamkasblari» - «Vest Xem Yunayted» va «Everton» bilan ham raqobatlashadi.
«Mayns» o‘z sardorini 8 million funtga baholaydi. Uning shartnomasi keyingi mavsumda tugaydi, shuning uchun agar futbolchi ketishni istasa, klub Mussani muddatidan oldin sotishga qarshi emas.
26 yoshli Niakate 2018 yilning yozida «Mets»dan 6 million yevro evaziga «Mayns»ga o‘tgan edi. Transfermarkt himoyachini 18 million yevroga baholamoqda va uning nemis klubi bilan amaldagi shartnomasi 2023 yilning yozida yakuniga yetadi.