«Барселона» ҳужумчиси Мемфис Депай фаолиятини АПЛда давом эттириши мумкин. Sport.es нашри хабарига кўра, 28 ёшли голландиялик футболчига «Арсенал», «Тоттенхэм» ва «Эвертон» даъвогарлик қилмоқда.

Олдинроқ ҳужумчига «Ювентус» билан бирга «Эвертон»дан ҳам қизиқиш борлиги ҳақида хабарлар тарқалган эди.

Футболчининг каталонияликлар билан шартномаси 2023 йилнинг ёзида якунига етади. Трансфермаркт портали ҳужумчини 45 миллион еврога баҳоламоқда.

Депай жорий мавсумда Ла Лигада 21 та ўйинда майдонга тушиб, 10 та гол урди ва 2 та голга ассистентлик қилди.