«Barselona» hujumchisi Memfis Depay faoliyatini APLda davom ettirishi mumkin. Sport.es nashri xabariga ko‘ra, 28 yoshli gollandiyalik futbolchiga «Arsenal», «Tottenxem» va «Everton» da’vogarlik qilmoqda.
Oldinroq hujumchiga «Yuventus» bilan birga «Everton»dan ham qiziqish borligi haqida xabarlar tarqalgan edi.
Futbolchining kataloniyaliklar bilan shartnomasi 2023 yilning yozida yakuniga yetadi. Transfermarkt portali hujumchini 45 million yevroga baholamoqda.
Depay joriy mavsumda La Ligada 21 ta o‘yinda maydonga tushib, 10 ta gol urdi va 2 ta golga assistentlik qildi.