«Манчестер Юнайтед» скаутлари «Порту» футболчиси Фабио Виейранинг Санта-Кларага қарши ўйинини кузатиб боришди.
Шу ҳафта бошида «қизил иблислар» скаутлари «Порту» рақибларини 3:0 ҳисобида мағлубиятга учратган «Эстадио до Драгао» стадионида бўлишди. Виейра ўйин қаҳрамони бўлди, ўз жамоасининг учта голидан иккитасини киритди ва тўп билан муомала қилишини намойиш этди.
21 ёшли футболчини агенти Хорхе Мендеш ҳисобланади. У «Манчестер Юнайтед» супер юлдузи Криштиану Роналдунинг ҳам агенти ҳисобланади. Унинг яна бир мижози Рубен Невеш ҳам ёзги трансферлар ойнаси арафасида «қизил иблислар» сафига ўтиши мумкин.
