"Манчестер Юнайтед" "Вильярреал" ҳужумчиси Арно Данжумага қизиқиш билдирмоқда, деб хабар беради Marca.
Инглиз клуби скаутлари футболчини Чемпионлар лигаси 1/4 финалидан ўрин олган "Бавария"га қарши ўйинда (1:0) кузатишган. Эслатиб ўтамиз, ушбу учрашувда айнан Данжума ғалаба тўпи муаллифига айланганди.
25 ёшли нидерландиялик футболчининг “Вильярреал” билан шартномаси 2026 йилнинг ёзига қадар мўлжалланган. Трансфермаркт портали футболчининг нархини 50 миллион еврога баҳоламоқда.
Жорий мавсумда ҳужумчи барча турнирларда 29 та ўйин ўтказиб, 14 та гол уришга эришди.
