Хави ўтган йилнинг ноябрь ойида «Барселона»ни қабул қилиб олган ва испаниялик мутахассис келганидан кейин жамоанинг ўйинларида ўзгариш рўй берди.

Мавсум бошидаги муваффақиятсизликларни ҳеч ким эсламай қўйди, ҳозир «Барселона» қаторасига ўн тўртта учрашувдан бери мағлуб бўлмаяпти.

Diario Sport нашри Хави ўз футболчиларини қандай мотивация қила олгани ҳақида хабар тарқатди. Манбага кўра, Хави аввалига уларнинг ҳар бирига иккитадан савол берган. Биринчиси, улар жамоада ўйнашга тайёрми ёки йўқ. Иккинчи савол эса «92-дақиқада захирадан майдонга тушишга тайёрмисиз» - бўлди.

Манбага кўра, бу саволлар Хавида интизом ва фидойилик муҳимлигини кўрсатади.