Португалия чемпионатида сўнгги ўринни эгаллаган "Лейрия" клуби сўнгги тур ўйинида ўйиннинг дастлабки дақиқалариданоқ 8 футболчи билан майдонга тушди. 

Гап шундаки, маош ўз вақтида берилмагани учун 16 футболчи клубни тарк этишди. Клуб сўнгги турда майдонга туширишга футболчи тополмай қолди. Шу боис клуб "Фейренси" жамоасига қарши ўз майдонида кечган ўйинда атиги 8 нафар футболчи  билан майдонга тушишга мажбур бўлди. Биринчи таймда тўлиқ ҳимояланган жамоа аъзолари 45 дақиқа ўз дарвозаси даҳлсизлигини сақлай олишди, аммо ҳакам томонидан қўшиб берилган дақиқада битта гол ўтказиб юборишди. Рақиблар 2-бўлим яна учта гол киритишди. Умумий ҳисоб: 0-4. Агар клуб вакиллари ушбу ўйинда майдонга чиқишмаганида 50 минг евро миқдорида жаримага тортиларди. Маълумотларга кўра, "Лейрия" футболчиларига 4-5 ойдан буён маош бермаган. Клуб 28 та ўйинда атиги 19 очко тўплади ва қуйи лигага равона бўлди. Бу клубдан 50 очко кўп жамғарган "Порту" мамлакат чемпиони бўлди.