Франция чемпионати 2011/2012 мавсумидаги энг яхши футболчиси ва энг яхши мураббий номинацияси учун курашадиган футболчилар ва мутахассислар номи эълон қилинди, Бу ҳақда Биринчи дивизион расмий сайти хабар беради.
«Лилль» ярим ҳимоячиси Эден Азар кетма-кет иккинчи марта Франциянинг энг яхши ўйинчиси учун бериладиган совринни олиши мумкин бўлган ўйинчилар қаторига киритилди. Унга «Монпелье» ўйинчилари Оливье Жиру ва Юнес Белхонда, шунингдек "ПСЖ" ҳужумкор футболчиси Нене рақиблик қилади.
Энг яхши мураббий номинациясига эса «Лилль» устози Руди Гарсия, «Аяччо» мураббийи Оливье Панталони, "ПСЖ" устози Карло Анчелотти Антуан Комбуарелар курашишмоқда. Бош мураббийлар орасида кечаётган баҳсда фаворит сифатида «Монпелье» устози Рене Жирар кўрсатилмоқда.
