«Барселона» раҳбарияти ҳужумчи Эрлинг Холанднинг агенти Мино Райолага норвегиялик футболчига ҳали ҳам қизиқиш билдиришини айтди, деб хабар беради Mundo Deportivo.
Манбага кўра, каталонияликлар Дортмунднинг «Боруссия» жамоаси ҳужумчиси учун курашда «Манчестер Сити» ва «Реал»дан ортда қолмоқчи эмас. Бироқ, Лапорта ва Райола ўртасидаги яхши муносабатлар Холанд «кўк-анорранглилар» сафига ўтишига ёрдам бериши мумкин.
Жорий мавсумда 21 ёшли норвегиялик футболчи Дортмунднинг «Боруссия» клуби сафида барча турнирлар доирасида 25 та ўйинда майдонга тушиб, 23 та гол ва 7 та голли узатмани амалга оширди. Трансфермаркт футболчини 150 миллион еврога баҳоламоқда.
