«Barselona» rahbariyati hujumchi Erling Xolandning agenti Mino Rayolaga norvegiyalik futbolchiga hali ham qiziqish bildirishini aytdi, deb xabar beradi Mundo Deportivo.
Manbaga ko‘ra, kataloniyaliklar Dortmundning «Borussiya» jamoasi hujumchisi uchun kurashda «Manchester Siti» va «Real»dan ortda qolmoqchi emas. Biroq, Laporta va Rayola o‘rtasidagi yaxshi munosabatlar Xoland «ko‘k-anorranglilar» safiga o‘tishiga yordam berishi mumkin.
Joriy mavsumda 21 yoshli norvegiyalik futbolchi Dortmundning «Borussiya» klubi safida barcha turnirlar doirasida 25 ta o‘yinda maydonga tushib, 23 ta gol va 7 ta golli uzatmani amalga oshirdi. Transfermarkt futbolchini 150 million yevroga baholamoqda.
