Лионель Месси «ПСЖ» сафида навбатдаги голли узатмани амалга оширди.
Аргентиналик футболчи Лига 1 доирасида «Клермон» жамоасига қарши бўлиб ўтган ўйиннинг 6-дақиқасида биринчи голни урган Неймарга ассистентлик қилди.
19 ва 80-дақиқаларда Месси Килиан Мбаппега голли пас берди. Жорий мавсумда иккинчи марта Лео бир ўйинда учта голли узатмани амалга оширди - у аввалроқ «Сент-Этьен» жамоасига қарши 15-турда бўлиб ўтган ўйинида (3:1) шундай натижани қайд этганди.
Бу 34 ёшли ҳужумчини Франция чемпионатининг жорий мавсумидаги 11, 12 ва 13-ассистентликларидир. У бу кўрсаткич бўйича етакчиликни Мбаппе билан бўлишиб турибди. Франциялик ҳужумчи ҳисобида ҳам 13 та голли узатма бор.
