Бугун Англия чемпионати 32-турининг марказий учрашуви ўтказилади. Мусобақа пешқадами "Манчестер Сити" ўзидан бир очко ортда бораётган «Ливерпуль» клубини қабул қилади.
Фил Фоден бугун Жейми Вардининг рекордини такрорлаши мумкин. Шу ва бошқа қизиқарли фактлар билан танишиб олинг.
Биласизми?
Бугунги ғалаба «Ливерпуль»ни ўтган йилнинг 1 октябрь ойидан бери илк бор АПЛ пешқадамига айлантиради. Мавсумнинг охирги 10 ўйинида мусобақа жадвалининг топ-2 жамоаси ўртасидаги бўлиб ўтган охирги 8 АПЛ учрашувида, иккинчи ўринда бораётган жамоа 7 марта ғалаба қозонган (1 мағлубият). Охирги 5 кетма-кет ғалаба сўнгги беллашувларда қўлга киритилган.
"Манчестер Сити" Премьер-Лига доирасидаги сўнгги 12 уй учрашувда «Ливерпуль»га 1 маротаба имкониятни бой берган (7 ғалаба, 4 дуранг). Ўша биргина ғалаба (1:4) Юрген Клоппнинг «Этиҳад» стадионига илк ташрифида 2015 йилнинг ноябрь ойида кузатилган эди.
«Ливерпуль» АПЛдаги охирги 10 баҳсда ғалаба қозонди ва шулардан саккизтасида дарвозасидан тўп олиб чиқмади. Бу клубнинг 10+ ғалабали серияси бешинчи маротаба кузатилмоқда ва дастлабки тўрттаси бошқа жамоалар томонидан тўхтатилган (2:2, «Болтон» 2006-йил; 0:2, «Челси» 2014; 1:1, «МЮ» 2019; 0:3, Уотфорд 2020).
"Манчестер Сити" футболчиси Фил Фоден «Ливерпуль»га қарши охирги 3 ўйиннинг барчасида гол уришга муваффақ бўлган ва мусобақада кетма-кет 4 баҳсда мерсисайдликлар дарвозасини ишғол этган Жейми Вардидан кейин (5 маротаба, 2016-2017) иккинчи ўйинчига айланиши мумкин.
Баҳс расмийлари
Ўйинни Энтони Тейлор бошчилигидаги ҳакамлар бригадаси бошқариб боришади.
Бош ҳакам: Энтони Тейлор
Қанот ҳакамлари: Гери Бесвик, Адам Нунн
Захира ҳаками: Андре Марринер
ВАР: Пол Тирни
ВАР ёрдамчиси: Тимоти Вуд
Баҳс Тошкент вақти билан 20:30да бошланиши режалаштирилган.
