Bugun Angliya chempionati 32-turining markaziy uchrashuvi o‘tkaziladi. Musobaqa peshqadami "Manchester Siti" o‘zidan bir ochko ortda borayotgan «Liverpul» klubini qabul qiladi.
Fil Foden bugun Jeymi Vardining rekordini takrorlashi mumkin. Shu va boshqa qiziqarli faktlar bilan tanishib oling.
Bilasizmi?
Bugungi g‘alaba «Liverpul»ni o‘tgan yilning 1 oktyabr oyidan beri ilk bor APL peshqadamiga aylantiradi. Mavsumning oxirgi 10 o‘yinida musobaqa jadvalining top-2 jamoasi o‘rtasidagi bo‘lib o‘tgan oxirgi 8 APL uchrashuvida, ikkinchi o‘rinda borayotgan jamoa 7 marta g‘alaba qozongan (1 mag‘lubiyat). Oxirgi 5 ketma-ket g‘alaba so‘nggi bellashuvlarda qo‘lga kiritilgan.
"Manchester Siti" Premyer-Liga doirasidagi so‘nggi 12 uy uchrashuvda «Liverpul»ga 1 marotaba imkoniyatni boy bergan (7 g‘alaba, 4 durang). O‘sha birgina g‘alaba (1:4) Yurgen Kloppning «Etihad» stadioniga ilk tashrifida 2015 yilning noyabr oyida kuzatilgan edi.
«Liverpul» APLdagi oxirgi 10 bahsda g‘alaba qozondi va shulardan sakkiztasida darvozasidan to‘p olib chiqmadi. Bu klubning 10+ g‘alabali seriyasi beshinchi marotaba kuzatilmoqda va dastlabki to‘rttasi boshqa jamoalar tomonidan to‘xtatilgan (2:2, «Bolton» 2006-yil; 0:2, «Chelsi» 2014; 1:1, «MYU» 2019; 0:3, Uotford 2020).
"Manchester Siti" futbolchisi Fil Foden «Liverpul»ga qarshi oxirgi 3 o‘yinning barchasida gol urishga muvaffaq bo‘lgan va musobaqada ketma-ket 4 bahsda mersisaydliklar darvozasini ishg‘ol etgan Jeymi Vardidan keyin (5 marotaba, 2016-2017) ikkinchi o‘yinchiga aylanishi mumkin.
Bahs rasmiylari
O‘yinni Entoni Teylor boshchiligidagi hakamlar brigadasi boshqarib borishadi.
Bosh hakam: Entoni Teylor
Qanot hakamlari: Geri Besvik, Adam Nunn
Zaxira hakami: Andre Marriner
VAR: Pol Tirni
VAR yordamchisi: Timoti Vud
Bahs Toshkent vaqti bilan 20:30da boshlanishi rejalashtirilgan.
