Римнинг “Лацио” клуби ярим ҳимоячи Луис Албертони бошқа жамоага қанча пул эвазига сотишга тайёр эканликлари борасида бир қарорга келишди.
Рим жамоаси бошлиқлари 29 ёшли испаниялик футболчини 30 миллион евро эвазига қўйиб юборишга тайёр. Алберто хизматларига Ла Лиганинг бир қанча клублари, яъни “Атлетико” ва “Севилья” қизиқиш билдирмоқда. Луис 2016 йилдан буён “Лацио”да ўйнаб келмоқда.
Жорий мавсумда Луис Алберто Италия чемпионатида 28 та ўйин ўтказиб, 4 та гол ва 8 та голли узатмани амалга оширди.
