Маълумингизким, ҳамюртимиз Баҳодир Насимов Бокунинг "Нефтчи" клубида чемпион бўлиш билан бирга Озарбойжон чемпионатининг энг яхши тўпурари бўлишга яқин турибди.
Аzerisport.com сайтида "Нефтчи"нинг чемпионлик рецепти" деган мақолада ҳамюртимиз ҳақида илиқ сўзлар ёзилган. Мақолада жамоанинг чемпионликни қўлга киритишида бошқа сабаблар билан бирга Баҳодирнинг борлиги ҳам муҳим омиллардан бири бўлганлиги санаб ўтилган. Эътиборингизга шу мақоладан парчани ҳавола қиламиз.
"Тўпурарнинг борлиги. Бошқа рақобатчилардан фарқли ўлароқ, "Нефтчи"да йил давомида кучайган тўпурар бор эди. Бу Баҳодир Насимов. Ўтган йили ундан тўпурарликни "Қорабоғ" жамоасидан Гиорги Адамия тортиб олганди, бу йил ўзбек реванш олса керак. Бунинг устига ўтган йилга солиштирганда Насимов кучли жамоаларга ҳам гол кирита олди, аввал аутсайдерларга хавф солар эди. "Нефтчи"нинг ҳеч қайси рақобатчисида унингдай тўпурар йўқ."
