«Милан» клуби бош мураббийи Стефано Пиоли А Серия чемпионлиги учун кураш ҳақида фикр билдирди.

Италия чемпионатининг жорий турида Скудеттога икки давогар клублар очко йўқотишди: «Наполи» кутилмаганда ўз уйида «Фиорентина»га ютқазди (2:3), «Милан» эса «Торино» билан дуранг ўйнади (0:0).

«Сўнгги икки-уч ҳафта ичида қайси жамоа фаворит деб аталса, ўша жамоа хато қилишга мойил бўлади. А Серия жуда рақобатбардош лига, ҳар бир ўйин ўта оғир ва ҳеч нарсани оддий деб бўлмайди.

Биз шундай вазиятда бўлишни хоҳлаган эдик, шунинг учун босим остида ўзимизни қулай ҳис қилишимиз керак. Бизда ёш жамоа бор, биз ўзига хос нарса учун курашяпмиз.

Ким асосий фаворит эканлиги ҳақида гапиришни ёқтирмайман. Шуни унутмангки, сўнгги ҳафталарда одамлар навбатма-навбат бизни, «Наполи»ни ва «Интер»ни суперфаворитлар деб аташди. Бу чемпионат охиригача давом этади”, - деди Пиоли DAZN билан суҳбатда.