«Ливерпуль» ҳужумчиси Садио Мане собиқ футболчи Уэйн Рунининг натижасини такрорлади. Якшанба куни футболчи туғилган кунида Премьер-лига жадвалида биринчи ўринни эгаллаб турган жамоа дарвозасига гол урди. Олдин фақатгина «Манчестер Юнайтед» ҳужумчиси Уэйн Руни буни 2004 йилнинг октябрида, 19 ёшида «Арсенал»га қарши ўйинда уддалаган эди.
30 ёшли Маненинг голи «Ливерпуль»га «Манчестер Сити» билан ўйинда дуранг ўйнашга ва АПЛда биринчи ўрин учун курашни давом эттириш имконини берди.
Жорий мавсумда футболчи АПЛда 28 та ўйин ўтказиб, 13 та гол ва 1 та голли узатмани амалга оширди.
