«Бавария» президенти Герберт Хайнер ҳужумчи Томас Мюллер фаолиятини Мюнхен клубида якунлашига ишончи комил эканлигини айтди.

«Мен Мюллер «Бавария»га тегишли эканлигига ва у фаолиятини бизнинг жамоада якунлашига ишонаман», - деди Хайнер BR24sport нашрига.

Футболчининг клуб билан шартномаси 2023 йилда тугайди ва «Бавария» футболчига шартнома узайтиришни таклиф қилмоқчи эканлиги ҳақида маълумот бўлса-да, ҳозирча янги шартнома борасида расмий эълон қилинмаган.

32 ёшли футболчи жорий мавсумда Бундеслигада 28 та ўйинда майдонга тушиб, 7 та гол ва 16 та голли узатмани амалга оширди.