«Интер» бош мураббий Симоне Индзаги билан шартномани узайтирди, деб хабар беради Calciomercato.
45 ёшли италиялик мутахассис билан тузилган янги шартнома 2023/24 йилги мавсум охиригача амал қилади ва яна бир йилга узайтирилиши мумкин. Мутахассиснинг маоши бонусларни ҳисобга олмаганда йилига 5 миллион еврогача ошади.
Индзагининг амалдаги шартномаси кейинги мавсум охиригача амал қилади. Ушбу шартномага кўра, мураббий йилига 4,5 миллион евро олади.
«Интер» чемпионлик учун курашни давом эттириб, «Наполи» билан турнир жадвалида иккинчи ўринни бўлишиб, пешқадам «Милан»дан икки очко ортда қолмоқда.
