«Реал Мадрид» Эрлинг Холанд билан келишув издан чиқмаслиги учун қўшимча ҳаракатларни амалга оширмоқчи.
21 ёшли норвегиялик ёзда «қаймоқранглилар»нинг нишони бўлиб турибди. Аввал хабар қилинганидек, «Манчестер Сити» Дортмунднинг «Боруссия» клуби юлдузини қўлга киритиш учун катта имкониятга эга, аммо «Реал» ҳам уни қўлдан чиқариш ниятида эмас. Mirror нашри хабарига кўра, испан клуби тез орада ёш ҳужумчи учун курашда рақиблардан ғалаба қозониш учун Холандни «мафтун этиш» учун янги таклиф жўнатади.
Эрлинг Холанднинг Дортмунднинг «Боруссия» клуби билан шартномаси 2024 йилгача мўлжалланган. Жорий мавсумда норвегиялик ҳужумчи 25 ўйинда 23 та гол ва 7 марта жамоадошларига ассистентлик қилди.