«Ливерпуль»нинг собиқ футболчиси Жейми Каррагер ҳужумчи Муҳаммад Салоҳнинг мерсисайдликлар лагерини тарк этиши мумкинлиги ҳақида гапирди.

«Менимча, «Ливерпуль» ҳозирча ўз таклифини оширмайди. У шундоқ ҳам ажойиб шартнома олади. У дунёдаги энг яхши мураббийлардан бири қўл остида, дунёнинг энг яхши жамоаларидан бирида ўйнайди.

Сўнгги тўрт-беш йил ичида қилган иши уни «Ливерпуль» либосини кийган энг буюк футболчилардан бирига айлантиради. Менимча, агар у АПЛдаги рақобатчилар сафига борса, ачинган бўлардим», - деди Каррагер.

Мисрлик футболчи 2017 йилнинг июлидан бери мерсисайдликлар сафида тўп сурмоқда. Футболчининг клуб билан шартномаси 2023 йилнинг июнига қадар мўлжалланган. Салоҳ жорий мавсумда АПЛда 29 та ўйинда майдонга тушиб, 20 та гол ва 11 та голли узатмани амалга оширди.