Англия Футбол Ассоцияцияси Рой Хожсоннни Англия терма жамоасм бош мураббий этиб тайинланганини тасдиқлади.
Тажрибали мураббий билан 2016 йилга қадар шартнома имзоланган, дея хабар бермоқда, Ассоцияция расмий сайти.
Аслида, Хожсоннинг Англия термасига бош мураббий этиб тайинланиши ҳақидаги хабар кеча ҳал бўлган эди. Айни дамда "Вест Бромвич" клуби бош мураббийи бўлиб турган Хожсон, кеча АФА президенти Даид Бернштейн билан 4 соатлик мулоқот ўтказган. Ушбу учрашувдан кейин барча ташкилий масалаларга ойдинлик киритилди.
Таъкидлаш жоизки, Рой Хожсон терма жамоалар билан ишлаш борасида анча тажрибага эга мураббий саналади. Хожсон Швейцария (1992-95), БАА (2002-2004) ҳамда Финляндия (2006-2007) терма жамоаларини бошқарган.
