«Ньюкасл» ёзда жамоани тарк этиши мумкин бўлган вингер Аллан Сен-Максиминнинг ўрнига икки нафар «Брайтон» футболчисини сотиб олмоқчи. Бу ҳақда The Sun нашри хабар бермоқда.

Манбага кўра, Леандро Троссар ва Ив Биссума «Ньюкасл»нинг асосий трансфер мақсадидир. Ҳар икки футболчининг шартномаси 2023 йилнинг ёзида якунига етади.

Троссар жорий мавсумда «чайқалар» сафида барча мусобақаларда 30 та ўйинда майдонга тушиб, 5 та гол ва битта голли узатмани амалга оширди. 27 ёшли бельгиялик вингер 17 млн еврога баҳоланган.

Биссума 23 та ўйин ўтказиб, битта гол ва битта голли узатмани амалга оширган. Малилик 25 ёшли ярим ҳимоячи 35 миллион еврога баҳоланган.