Германия терма жамоаси собиқ ярим ҳимоячи Кристоф Крамер ЖЧ-2014 финалида Лионель Мессига қарши ўйинни эслади.
“Бу фаолиятимдаги энг яхши воқеа. Ҳамма Мессидан тўпни олиб қўйишни истарди, лекин ҳеч ким унинг уддасидан чиқа олмасди.
Мен у билан гаплашишни ҳоҳлардим, лекин унга ҳурматим шу қадар тўлиб кетдики, суҳбатни бошлай олмадим, қолаверса, қайси тилда гапиришни ҳам билмасдим!
Шуни таъкидлашни истардимки, у билан юзма-юз бўлишда ақл бовар қилмайдиган нарса бор. Мен бу туйғуни Рим Папаси билан учрашганимдагина ҳис қилганман" - деди Менхенгладбахнинг "Боруссия" жамоасида ўйнаётган ярим ҳимоячи.
