«Бавария» бош мураббийи Юлиан Нагельсманн жамоасининг ЕЧЛ чорак финалида «Вильярреал»дан учралган мағлубиятига изоҳ берди.
Мюнхенликлар жавоб ўйинида дуранг (1:1) ўйнади ва шу тариқа умумий ҳисобда 1:2 ҳисобида мағлуб бўлиб, мусобақа билан хайрлашди.
«Биринчи ўйин муҳим эди. Испаниядаги учрашувда биз етарлича яхши ўйин кўрсатмадик. Бугун сўнгги бир неча ҳафтадаги энг яхши ўйинларимиздан бири бўлди. Биз ўйин бошиданоқ катта босим яратдик.
«Вильярреал»нинг голи? Биз ортда бўш жой қолдириб, кўп ҳужум қилдик. Бу жуда оғриқли эди. Бу ўйиндан кейин саволлардан қўрқмайман. Дунёда бундан ҳам ёмонроқ нарсалар содир бўлади», - дея Нагельсманнинг сўзларини келтиради Bayern & Germany.
