«Реал» ҳимоячиси Начо Чемпионлар лигасининг 1/4 финалида «Челси» устидан қозонилган ғалаба ҳақида фикр билдирди.

«Шунчаки ишониб бўлмайди! «Сантьяго Бернабеу»да ажойиб оқшомлардан бири бўлди. Бу қарама-қаршилик ўйини кескин ўтишига шубҳа йўқ эди. Кўп нарса «ПСЖ» билан бўлган ўйинга ўхшарди. «Бернабеу»да шундай оқшомни бошдан кечирганингиздан хурсандман. Биз кўп жиҳатлар устида ишлашимиз керак. Аммо бу «Реал Мадрид». Бизга болалигимиздан ҳеч қачон таслим бўлмаслигимиз кераклиги ўргатилган», - дея Начонинг сўзларини келтиради УЕФА матбуот хизмати.

Умумий ҳисобда мадридликлар 5:4 ҳисобида ғалаба қозониб, Чемпионлар лигасининг ярим финалига йўл олишди. «Реал Мадрид»нинг 1/2 финалдаги рақиби «Манчестер Сити» ва «Атлетико Мадрид» ўртасидаги қарама-қаршилик ғолиби бўлади.