Мадриднинг “Реал” клуби бош мураббийи Карло Анчелотти Чемпионлар лигаси 1/4 финалининг иккита ўйини якунига кўра “Челси”ни мағлуб этганидан сўнг (3:1, 2:3) ҳужумчи Родригонинг ўйини ҳақида гапирди. Бразилиялик футболчи жавоб учрашувида жамоасининг биринчи голини киритди.
“Родриго ўйинлар натижасини ҳал қила олади. У буни кўп марта намойиш этган - "ПСЖ"га қарши ва бугун.
Родриго ёш, муҳим ўйинчи, унга янада яхшироқ бўлиш учун вақт керак, лекин ҳозир ҳам мен ундан жуда мамнунман", - дея Анчелотти сўзларини келтиради УЕФА матбуот хизмати.
