«Реал»нинг кучи нимада, деб ўйлаб кўришга уриндим.

Бир одат бор футболда. Хет-трик қилган футболчи тўпни эсдаликка олиб кетади, жамоадошлари эса, бу тўпга ўз имзосини қўйиб беради. «Челси»га қарши Лондондаги ўйинда хет-трик қилган Карим Бензема анъанадан воз кечган ва ҳали мақсадга эришилмаганини айтганди. Шундай бўлди ҳам: жавоб ўйини осон бўлмади ва Бенземанинг бошқа голи ярим финал йўлланмасини олиб берди.

Ҳозирги «Реал»нинг муаммоси кўп. Ўйин борасида жуда кўп жамоаларга ютқазар балки. Аммо қайсидир маънода бу устунлик ҳам беради - «Реал» ҳам, Бензема ҳам идеал эмасликларини билишади. Бу эса, ҳар қандай бурилишга тайёр туришга, ҳар қандай ҳолатда курашни ташлаб юбормасликка мажбур қилади.

«Реал» ўзига ишониб, ҳаммаси ҳал қилиб бўлгандек тасаввурда қолишлари мумкин эди. Ундай бўлмади, «Челси» аввал ҳисобни 3:0 га етказган бўлса-да, бу «Челси»нинг зўр ўйнагани туфайли. Агар «Реал» ўйинчилари рақибни менсимай, ҳаммаси ҳал бўлгандек майдонга тушиб, учта гол ўтказганларида, ўйинга қайта олмасдилар. Парижни эсланг, ҳатто 1:0 ҳисобидаги ғалабадан сўнг ўзига ортиқча баҳо берган, «Реал» бурилиш қилганида, довдираб, сочилиб кетганди.

«Реал» эса «Челси»нинг камбэк қилишига ҳам тайёр эди. «Челси»дан ҳам яхшироқ тайёр эди ҳатто...

Қаҳрамон Асланов.