«Real»ning kuchi nimada, deb o‘ylab ko‘rishga urindim.

Bir odat bor futbolda. Xet-trik qilgan futbolchi to‘pni esdalikka olib ketadi, jamoadoshlari esa, bu to‘pga o‘z imzosini qo‘yib beradi. «Chelsi»ga qarshi Londondagi o‘yinda xet-trik qilgan Karim Benzema an’anadan voz kechgan va hali maqsadga erishilmaganini aytgandi. Shunday bo‘ldi ham: javob o‘yini oson bo‘lmadi va Benzemaning boshqa goli yarim final yo‘llanmasini olib berdi.

Hozirgi «Real»ning muammosi ko‘p. O‘yin borasida juda ko‘p jamoalarga yutqazar balki. Ammo qaysidir ma’noda bu ustunlik ham beradi - «Real» ham, Benzema ham ideal emasliklarini bilishadi. Bu esa, har qanday burilishga tayyor turishga, har qanday holatda kurashni tashlab yubormaslikka majbur qiladi.

«Real» o‘ziga ishonib, hammasi hal qilib bo‘lgandek tasavvurda qolishlari mumkin edi. Unday bo‘lmadi, «Chelsi» avval hisobni 3:0 ga yetkazgan bo‘lsa-da, bu «Chelsi»ning zo‘r o‘ynagani tufayli. Agar «Real» o‘yinchilari raqibni mensimay, hammasi hal bo‘lgandek maydonga tushib, uchta gol o‘tkazganlarida, o‘yinga qayta olmasdilar. Parijni eslang, hatto 1:0 hisobidagi g‘alabadan so‘ng o‘ziga ortiqcha baho bergan, «Real» burilish qilganida, dovdirab, sochilib ketgandi.

«Real» esa «Chelsi»ning kambek qilishiga ham tayyor edi. «Chelsi»dan ham yaxshiroq tayyor edi hatto...

Qahramon Aslanov.