«Манчестер Сити» раҳбарлари Дортмунднинг «Боруссия» клуби норвегиялик ҳужумчиси Эрлинг Холанднинг трансфери борасида деярли келишиб олишди.
Инсайдер Николо Скиранинг сўзларига кўра, «шаҳарликлар» 21 ёшли норвегиялик футболчи билан узоқ муддатли беш йиллик шартнома бўйича келишувга эришган, унга кўра Эрлинг йилига 30 миллион евро олади. Эслатиб ўтамиз, Холанд хизматларига «Реал» ҳам қизиқмоқда.
Жорий мавсумда Эрлинг Холанд Германия чемпионатида 19 та ўйин ўтказиб, 16 та гол ва 6 та голли узатмани амалга оширди.
