Calciomercato нашри хабарига кўра, «Вест Хэм» «Байер» футболчиси Мусса Диабининг ёзги трансферар ойнаси пайтида сотиб олишни мўлжалламоқда. «Байер» юлдузи катта суммага баҳоланмоқда ва ёзги трансфер ойнасида бир қанча бой клубларнинг нишонига айланиши тахмин қилинмоқда.
Хабарда айтилишича, «Вест Хэм» бош мураббийи жамоанинг ҳужум чизиғини кучайтиришни режалаштирган ва франциялик футболчи бу позиция учун номзодлардан бири ҳисобланади. Диаби ушбу мавсумда барча мусобақаларда 16 та гол ва 12 та голли узатмани амалга оширди. Аввалроқ, футболчи «Реал» ва «Бавария» қизиқишлари доирасида экани хабар қилинганди.
Тахминларга кўра, «Байер» футболчининг трансфери учун 50 миллион фунтдан кўпроқ пул талаб қилиши мумкин.