Дания терма жамоаси ҳимоячиси Симон Кьер ўтган ёзда бўлиб ўтган Европа чемпионатида юрак тутилиши пайтида жамоадоши Кристиан Эриксеннинг ҳаётини сақлаб қолишда кўрсатган ёрдамидан сўнг Италия футболи шон-шуҳрат залига киритилди.
Журналистлар билан суҳбатда Кьер Италия терма жамоаси футболчилари ҳақида ўз фикрлари билан ўртоқлашди.
«Агар мен Италиянинг халқаро майдонда тўп тепайтган футболчилар ҳақида гапирадиган бўлсам, ёш бўлса-да «Милан»да ажойиб ўйин кўрсатган дарвозабон Доннаруммани алоҳида айтиб ўтаман», - деди Симон.
Шунингдек, Кьер дунёнинг энг яхшиларидан бири деб ҳисоблайдиган яна икки футболчининг номини айтиб ўтди.
«Верратти мен учун ўз позицияси бўйича дунёдаги энг яхшилари учлигига киради. Бундан ташқари, мен доимо дунёнинг энг яхши ҳимоячиларидан бири бўлган Кьеллининг ўйинидан ҳайратда қолганман», - дейди Кьер.
