«Лилль» ҳимоячиси Свен Ботман «Вест Хэм»нинг асосий трансфер мақсадига айланган.
Лондон клуби бош мураббийи Дэвид Мойес ҳимоя марказини ёзги мавсум оралиғида кучайтириш керак бўлган бўғин сифатида кўрмоқда.
Олдинроқ «Лилль» футболчиси тахминан 43 миллион фунтга тушиши хабар қилинганди. «Ньюкасл» ва «Милан» футболчига даъвогарлик қилаётгани ҳақида ҳам маълумотлар пайдо бўлди.
Жорий мавсумда футболчи Лига 1да 21 та ўйин ўтказиб, 3 та гол урди ва 1 та голли узатмани амалга оширди.