Жорий мавсумда топ-5 чемпионатда рақиб жарима майдончасига аниқ узатма берган футболчилар рейтингида бирданига икки португалиялик етакчилик қилмоқда.

Fbref статистик порталида қайд этилишича, Англиянинг «Манчестер Сити» клуби футболчиси Жоау Канселу етакчи бўлиб турибди – 81. Иккинчи поғонадан Португалия терма жамоасининг яна бир вакили – Бруну Фернандеш («Манчестер Юнайтед») жой олган — 76 голли аниқ узатма. «Реал» ҳужумчиси Карим Бензема 75 та аниқ пас билан учинчи, «ПСЖ» ҳужумчиси Лионель Месси (74) ва «Ливерпуль» ҳимоячиси Трент Александер-Арнолд (73) тўртинчи ва бешинчи ўринни банд этган.

Эътиборлиси, битта ўйин учун кўрсаткичларни ўртача ҳисоблаганда, рейтингда Лионель Месси ягона пешқадам бўлиб турибди. Аргентиналик футболчи рақиб жарима майдончасига бир ўйинда ўртача 4,1 аниқ узатма берган.