1 июнь куни бўлиб ўтадиган Қозоғистон ва Қирғизистон миллий терма жамоалари ўртасидаги халқаро ўртоқлик учрашувини ўзбекистонлик ҳакамлар бригадаси бошқариб боради.
1 май куни Ўзбекистон футбол федерацияси вице-президенти Сардор Раҳматуллаев номига Қозоғистон футбол федерациясидан мактуб келди. Унда 1 июнь куни мамлакат бош жамоаси Қирғизистонга қарши ўртоқлик ўйинида иштирок этиши кўрсатилган бўлиб, Ўзбекистон футбол федерациясидан ҳакамлик масаласида амалий кўмак сўралганди.
Ўз навбатида ЎФФ қўшни мамлакат футбол федерацияси илтимосини қондириб, Олим Толибжонов бошчилигидаги ҳакамлар бригадасини ўйин бўлиб ўтадиган Остона шаҳрига юборишга қарор қилди. Олим Толибжоновга қанотларда Жаҳонгир Саидов ва Руслан Серазитдинов ёрдам беришади.
