Испаниянинг «Sport.es» интернет-нашри тарқатган хабарга кўра, Каталониянинг «Барселона» клуби ёзги трансферлар учун бюджетни 100 миллион еврога оширмоқчи.
Нашр манбасига кўра, айни вақтда «Барселона» янги футболчилар учун 30 миллион евро маблағ ишалата олади. Бу маблағ жамоанинг бир аъзоларини сотиш орқали кўпайтирилиши мумкин. Хусусан, жамоа ҳимоячиси Даниэль Алвешга Махачқалъанинг «Анжи» клуби қизиқаётгани ҳақида хабарлар бор. Шунингдек, ёзда Сейду Кейта ҳам «Барселона»дан кетиши кутилмоқда. Бундан ташқари, Хосеп Гвардиоланинг истеъфосидан сўнг ҳам клуб катта миқдордаги маблағни қўлга киритади.
«Барселона»нинг асосий ёзги трансфер нишонларида «Атлетик» ҳужумчиси Фернандо Льоренте ҳамда «Валенсия» ҳимоячиси Хорди Альба турибди.