«Бенфика» Чемпионлар лигасини муносиб тарзда тарк этади. Португалия жамоаси турнирнинг чорак финалидаги «Ливерпуль»га қарши биринчи омадсиз ўйиндан сўнг вазиятни тўғрилаш учун қўлидан келган барча ишни қилди, аммо инглизлар тажрибаси ўз сўзини айтди. «Бенфика» ҳужумчиси Дарвин Нуньеснинг фикрича, мусобақадан чиқиб кетганига қарамай, «Бенфика» ўзининг энг яхши томонларини кўрсата олди.
- Биз катта клуб эканлигимизни кўрсата олдик. Курашни давом эттириш учун бизда тажриба етишмади, аммо турнирни қандай тарк этганимиз билан фахрланишимиз мумкин. Биз ажойиб натижаларга эриша оламиз, - дейди Нуньес, УЕФА расмий сайтига берган интервьюсида.
