«Benfika» Chempionlar ligasini munosib tarzda tark etadi. Portugaliya jamoasi turnirning chorak finalidagi «Liverpul»ga qarshi birinchi omadsiz o‘yindan so‘ng vaziyatni to‘g‘rilash uchun qo‘lidan kelgan barcha ishni qildi, ammo inglizlar tajribasi o‘z so‘zini aytdi. «Benfika» hujumchisi Darvin Nunyesning fikricha, musobaqadan chiqib ketganiga qaramay, «Benfika» o‘zining eng yaxshi tomonlarini ko‘rsata oldi.
- Biz katta klub ekanligimizni ko‘rsata oldik. Kurashni davom ettirish uchun bizda tajriba yetishmadi, ammo turnirni qanday tark etganimiz bilan faxrlanishimiz mumkin. Biz ajoyib natijalarga erisha olamiz, - deydi Nunyes, UYEFA rasmiy saytiga bergan intervyusida.
