Испаниянинг Marca нашри хабарига кўра, Каталония клуби мавсум охирида испаниялик ҳимоячи Сесар Аспиликуэтанинг трансфери борасида «Челси» билан музокаралар бошлашга тайёр.
«Барселона» ўтган ёзги трансфер ойнасини «Челси» бир йиллик шартномани узайтириш вариантини фаоллаштирмасдан олдин Аспиликуэтани қўлга киритишга ҳаракат қилган эди.
Олдинроқ, 32 ёшли футболчи «Барселона»га ўтиш борасида принципиал келишувга эришгани ҳақида хабар берилганди. Аммо яқинда «Челси» Аспиликуэта билан шартномани яна бир йилга узайтиргани сабабли «Барселона» Лондон клуби билан музокараларни тўхтатди.
«Челси»нинг Аспиликуэтани сотиш борасидаги қарори клуб билан юзага келган нохуш вазият қанчалик тез ҳал этилишига боғлиқ бўладди.
