"Лестер" ярим ҳимоячиси Жеймс Мэддисон Европанинг кучли бешлик лигаларида энг кўп гол урган инглиз футболчилари орасида 3-ўринга кўтарилиб олди.

Бугун Конференциялар Лигасида Голландиянинг ПСВ дарвозасига урилган гол Мэддисон учун мавсумдаги 14-гол бўлди - бу унинг "Лестер"да ўйнаган бутун даври учун шахсий рекордидир.

Бундан ташқари, бу Европанинг топ-5 чемпионатлари клублари вакили бўлган барча инглиз футболчилари орасида учинчи натижадир: фақат Темми Абрахам (“Рома”) ва Харри Кейн (“Тоттенхэм”) ундан кўпроқ гол урган.

"Лестер" ПСВ устидан 2:1 ҳисобида ғалаба қозониб, мусобақа ярим финалига йўлланма олди.