Жорий еврокубоклар мавсумининг барча ярим финалчилари маълум бўлди.

Чемпионлар лигасининг ярим финалида иккита инглиз ва испан жамоаси ўйнайди – “Реал Мадрид” “Манчестер Сити” билан, “Ливерпуль” эса “Вильярреал” билан ўйнайди.

Европа лигасининг 1/2 финал босқичида Германиянинг икки жамоаси (“Айнтрахт” ва “Лейпциг”), Англиянинг бир жамоаси (“Вест Хэм”) ва Шотландиянинг битта клуби – “Рейнжерс” иштирок этади.

Конференция лигасининг ярим финалида “Лестер” (Англия), “Марсель” (Франция), “Рома” (Италия) ва “Фейеноорд” (Нидерландия) жамоалари ўйнайди.

Шундай қилиб, еврокубокларнинг ярим финал босқичида жами 4 та инглиз жамоаси, Германия ва Испаниядан иккитадан, Шотландия, Франция, Италия ва Нидерландиядан биттадан клуб иштирок этади.