"Рома" дарвозабони Руи Патрисиу Конференция лигаси 1/4 финали жавоб ўйинида "Буде-Глимт" устидан қозонилган ғалаба (4:0) ҳақида гапирди.
“Биз ўз қобилиятимизга ишонардик. Ажойиб ўйин ўтказдик. Жамоа тактик жиҳатдан яхши кўринди. Стадионга келган мухлисларимиз ҳақида қайғурдик. Биз улар учун ғалаба қозонишни хоҳладик.
Мақсадимиз чемпионликни қўлга киритиш. “Лестер” – еврокубокларда ўйнашга ўрганиб қолган жуда яхши жамоа, аммо биз бундай учрашувларни қандай ўтказишни биламиз”, - деди португалиялик посбон La Gazette Dello Sport нашрига.
