TEAMtalk нашри хабарига кўра, "Эвертон" "Бенфика" ҳужумчиси Эвертон Соарешни ёзги трансферлар ойнаси пайтида сотиб олмоқчи.
“Эвертон” футболчини Бразилиянинг “Гремио” клубида ўйнаган кунларидан бери кузатиб келмоқда. Бу ёзда инглиз клуби етакчилари - Ришарлисон ва Доминик Калверт-Льюинлар клубни тарк этишлари мумкин ва Соареш унинг ўрнига потенциал номзод сифатида кўрилмоқда.
Соарешнинг Португалия жамоаси билан шартномаси 2025 йилгача мўлжалланган. Жамоанинг асосий етакчиси Дарвин Нуньес ёзда "Бенфика"ни тарк этиши мумкин, шунинг учун Лиссабон клуби бошқа етакчиси билан хайрлашишга тайёрми ёки йўқми ҳозирча аниқ эмас.
