"Манчестер Сити" ярим ҳимоячиси Родри клубининг Чемпионлар лигаси ярим финалига чиққани ҳақида фикр билдирди.
“Кетма-кет иккинчи марта ярим финалга чиқиш жамоа учун катта ташланган қадамдир. Олдинда бизни жуда кўп ўйинлар кутиб турибди ва бу ҳам ўз таъсирини кўрсатаётгани аниқ", - деди Родри.
Унинг фикрича, "Реал" билан ярим финал қарама-қаршилиги ўзгача бўлади.
“Бу ажойиб ярим финал бўлади. Биз Чемпионлар лигаси қироллари билан тўқнаш келдик", - деди Родри.
Шу билан бирга, унинг таъкидлашича, ҳозирги асосий вазифа "Ливерпуль"га қарши Англия кубоги ярим финал учрашуви.
"Аммо бундан олдин биз дам олишимиз ва Англия кубоги ярим финалида «Ливерпуль»га қарши ўйинга тайёргарлик кўришимиз керак. Бу яна бир катта синов бўлади”, деди футболчи.
