Мюнхеннинг “Бавария” клуби бош мураббийи Юлиан Нагельсманн Чемпионлар лигасидан чиқиб кетганидан сўнг кўплаб таҳдидларга дуч келди. Эслатиб ўтамиз, Нагельсманн шогирдлари Испаниянинг “Вильярреал” клубига сенсацион тарзда мағлуб бўлиб, турнирдан чиқиб кетган эди.
"Танқидларга тайёрман. Мен қайси жамоага мураббийлик қилаётганимни тушунаман. Бироқ, ижтимоий тармоқларда 450 га яқин ўлим таҳдидини олганингизда, қандай аҳволга тушиш мумкин”, деди мураббий.
Чемпионлар лигасининг ярим финал босқичида “Вильярреал” “Ливерпуль”га қарши баҳс олиб боради.
