"Бавария" ярим ҳимоячиси Марсель Забицер Мюнхен клубини тарк этиши мумкин, деб хабар беради Sport1.de.

Манбанинг хабарига кўра, клуб раҳбарияти австриялик учун 15 миллион евролик таклифларни кўриб чиқишга тайёр. Аввалроқ футболчининг жамоа бош мураббийи Юлиан Нагельсманн билан муносабатлари ёмон экани хабар қилинганди.

28 ёшли футболчи 2021 йилда 15 миллион эвазига "Лейпциг"дан "Бавария"га ўтган эди. Забицернинг мюнхенликлар клуби билан шартномаси 2025 йилнинг ёзига қадар тузилган. Трансфермаркт Австрия терма жамоаси футболчисини 22 миллионга баҳоламоқда.

Германия Бундеслигасининг жорий мавсумида ярим ҳимоячи 21 та ўйин ўтказиб, битта гол урган.