Мадриднинг "Реал" клуби бош мураббийи Карло Анчелотти Лука Модричнинг келажаги ҳақида гапирди.
«Ўйлайманки, у фаолиятини «Реал»да якунлайди. Қачонлигини аниқ билмайман, лекин режа шундай. На клубда, на унда шарномани узайтирилиши билан боғлиқ муаммолар йўқ, бу аниқ.
У ўзига яхши ғамхўрлик қилади, ҳатто фаолияти давомида жиддий жароҳат олмаган.
Менинг жамоамда битта футбол афсонаси бор эди, Мальдини 40 ёшида Чемпионлар Лигасини ютган. Модрични ким биландир солиштирсам, у билан: савия жиҳатидан, жиддийлик нуқтаи назаридан, футболни қандай тушунишлари бўйича... Улар афсоналардир», - деди «Реал» устози.