"Ливерпуль" ҳужумчиси Муҳаммад Салоҳнинг клуб сафидаги ишлари яхши эмас.

У клуб ва Миср терма жамоаси сафида барча мусобақалардаги сўнгги 12 ўйинда атиги битта гол урди. Салоҳ 12 март куни Премьер-лига доирасидаги “Брайтон”га қарши баҳсда пенальтидан рақиб дарвозасини ишғол қилган эди. Ўшандан бери 29 ёшли футболчи кетма-кет саккизта ўйинда, жумладан, ЖЧ-2022 саралаш учрашуви доирасидаги Сенегалга қарши иккита баҳсда ҳам гол ура олмади.

Салоҳ жорий мавсум клуб сафида 29 та учрашувда қатнашиб, 20 та гол урди ва Англия чемпионатининг энг яхши тўпурари бўлиб қолмоқда. Чемпионлар лигасида мисрлик 10 учрашувда 8 бор рақиблар дарвозасини ишғол қилган бўлса-да, “Бенфика”га қарши ҳар икки учрашувда ҳам  гол ура олмади.